जनकपुरधाम । दँगा भडकाउन खोजेको आरोपमा जिल्ला प्रहरी कार्यालय धनुषाले हिन्दु सम्राट सेनाकी सदस्य लक्ष्मी साहलाई पक्राउ गरेको छ ।

विहिबार धनुषाको औरही गाउँपालिका वडा नम्बर १ पौडेश्वरस्थित समान्य घटनालाई अतिरञ्जित र विवादित बनाउन खोजेको भन्दै प्रहरीले उनलाई पक्राउ गरेको हो । जिल्ला प्रहरी कार्यालय धनुषाले साहलाई जातीय दँगा गराउन भडकाउ कुराहरु गर्न थालेपछि तत्कालै उनलाई नियन्त्रणमा लिएको बताएको हो ।

पौडेश्वरस्थित एक किशोरी हँसपुर नगरपालिका बस्ने एक युवकसँग गएपछि सो मुद्दालाई हिन्दु–मुस्लिमको मुद्दा बनाउँदै शान्ती सुरक्षामा खलल पार्न थालेपछि उनलाई पक्राउ गरेको हो ।

उनीहरुले हिन्दु समुदायकी किशोरीलाई मुस्लिम समुदायका युवकले भगाएको भन्दै यसलाई लवजिहादको सँज्ञा दिँदै स्थानीयहरुलाई भडकाएर आन्दोलन गराउन खोजेपछि उनलाई पक्राउ गरेको हो ।