जनकपुर । जनकपुरमा विवाह पंचमीको अवसरलाई ध्यानमा राख्दै, श्रद्धालुहरूको सहुलियतका लागि सयौंको संख्यामा शौचालय निर्माण गरिएको छ। यो कार्य धार्मिक तथा सांस्कृतिक महत्वको पर्वलाई व्यवस्थापन गर्न जनकपुरधाम उपमहानगरपालिका र प्रदेश विभिन्न संघ-संस्थाको सहयोगमा भएको हो।

विवाह पंचमीमा लाखौं श्रद्धालु भारत र नेपालका विभिन्न स्थानबाट जनकपुर आउने गर्छन्। यस अवसरमा जनकपुरधामको सरसफाइलाई प्राथमिकतामा राख्दै सार्वजनिक स्थानहरूमा अस्थायी शौचालयहरूको निर्माण गरिएको छ। साथै, पर्यटकहरूको सुविधाका लागि पानीको व्यवस्था, सफाइ अभियान, र ट्राफिक व्यवस्थापनमा पनि विशेष ध्यान दिइएको छ।

शौचालयको अभावले विगतका वर्षहरूमा उत्पन्न असुविधालाई समाधान गर्न यसपटक प्रभावकारी कदम चालिएको छ। धार्मिक तथा सांस्कृतिक पर्यटकहरूको आगमनलाई सहज र व्यवस्थित बनाउन यस प्रकारका पहलहरू स्वागतयोग्य छन्। भिडियो रिपोर्ट : श्रीकेश यादव