काठमाडौँ । नेकपा एमालेका अध्यक्ष केपी शर्माओलीले नेपाली राजनीति नयाँ ढंगले अगाडि जान खोजेको बताएका छन् । सोमबार  एमाले निकट मजदुर संगठन (जिफन्ट) को कार्यक्रमलाई सम्बोधन गर्द‌ै ओलीले नयाँ सत्ता समीकरणले प्रभावकारी ढंगले काम गर्ने दाबी गरे ।

‘हामी नयाँ ढंगले जान खोजिराखेका छौं ,’ उनले भने, ‘आज छिटोछिटो परिवर्तन हुन खोजेको राजनीति कत्तिको प्रभावकारी ढंगले अगाडि बढ्छ ? जेहोस् आंशिक रुपमा भएपनि जस्तो अवस्था देशको भताभुंग बिग्रिएको छ । त्यस अवस्थाबाट सकारात्मक बाटोतर्फ फर्किन्छ भन्ने मैले विश्वास लिएको छु ।’

आज केही परिवर्तन हुने भन्दै  उनले एमाले सरकारमा जान लागेको संकेत गरे । ‘आज पक्की केही परिवर्तन हुन्छ भन्ने मैले विश्वास लिएको छु । तपाईंहरुले घरीघरी मोबाइलमा यसो हेर्दै गर्दै गर्नुभए हुन्छ, के–के नयाँ न्युज आउँछ । तपाईंहरुलाई धेरै धेरै शुभकामना छ,’ उनले भने ।