एजेन्सी :

भोजपुरी अभिनेत्री आकांक्षा दुवे मृत फेला परेकी छन्। अभिनेत्री आकांक्षा आइतबार बिहान वाराणसीको एक होटलमा मृत फेला परेकी हुन्।

उनी फिल्म सुटिङका क्रममा वाराणसी पुगेको बताइएको छ।

प्रहरी अधिकारीका अनुसार उनले झुण्डिएर आत्महत्या गरेको बताइएको छ। यद्यपी नायिकाले के कारणले आ त्महत्या गरिन् भन्ने खुल्न सकेको छैन ।

वाराणसीको वरणा  जिल्लाको डीसीपीले घटनाबारे प्रहरीले अनुसन्धान गरिरहेको बताएका छन्।

अभिनेत्री आकांक्षले भोजपुरी ठूला फिल्ममा काम गरेकी थिइन्। आकांक्षले विरो के वीर, कम पैदा करने वाल की २ फिल्ममा काम गरेकी थिइन्।

आजै भोजपुरी सुपरस्टार पवन सिंहको साथमा उनको नयाँ गीत रिजिल भएको छ। यस गीतको नाम आरा कभी नही है रहेको छ।

उनी तीन वर्षदेखि मुम्बइमा बस्दै आएकी  थिइन्। रिपोर्ट्सका अनुसार १७ वर्षको उमेरमा आकांक्षले भोजपुरी सिनेमा क्षेत्रमा पाइला राखेकी हुन्। उनले निर्देशक आशी तिवारीको साथमा केही फिल्ममा काम गरेकी थिइन्।