जनकपुर —

छठ पर्व सकिएसंगै मिथिलाञ्चलमा सामा चकेवा पर्व सुरु भएको छ । भाइबहिनीबिचको महाभारतकालीन स्नेहगाथामा आधारित यस उत्सवमा मिथिलाञ्चल गीतिमय बनेको छ । अवेर साँझ टोलटोलबाट सामाचकेवा लोक पर्वको स्वर गुन्जिन्छ ।

यो पर्व कात्तिक शुक्ल पञ्चमीदेखि सुरु भई पूर्णिमासम्म चल्छ । टोलछिमेककी महिलाहरू चोकमा भेला भएपछि सामाचकेवाको टोकरी साटासाटा गरिन्छ । टोकरी साटासाट गर्नुको अर्थ हो–आपसी सद्भाव, टोल–छिमेकका दाजुभाइ र दिदीबहिनी साझा हुनु ।

‘सामाचकेवा पर्वले समाजलाई जोडेको छ । गाउँटोलमा जातीय, धार्मिक, वर्गीय भिन्नताको बाबजुद पनि आत्मीय सम्बन्ध स्थापना गर्न सघाएको छ,’ मैथिली संस्कृतिका जानकार प्राध्यापक परमेश्वर कापडीले भने ।

झिझिया, जट–जटिन वा डोमकचजस्ता मिथिलाञ्चलका अन्य लोकनृत्यजस्तो यस पर्वमा महिला स्वयं सहभागी हुँदैनन् । महाभारतकालीन पात्रहरूको स्वरुप बनाएर लोकनृत्य प्रदर्शन गर्छन् । ती पात्रहरू हुन्, श्यामा (सामा), चकेवा (चक्रवाक), शाम्व, चुकला, सतभैया, झाझुर कुकुर, बृन्दावनलगायत ।

यी पात्रको स्वरूप माटो, जुट, करजन्नीलागयतका स्थानीय उत्पादनबाट निर्माण गरिन्छ । पूर्णिमाको दिन माटो निर्मित प्रतिमालाई दाजुभाइले भाँचेपछि खेतमा सेलाइन्छ ।

Ad

Ad

Ad

Ad

Ad