ad

जनकपुरधाम ।

विरामी बोक्ने एम्बुलेन्सबाट तस्करीको समानहरु बरामद भएपछि पक्राउ गरिएको छ ।

जिल्ला प्रहरी कार्यालय धनुषाले विहिबार २५ लाख रुपैयाँ बराबरको तस्करीको सरसमान सहित एम्बुलेन्स नियन्त्रणमा लिएको हो ।

विहिबार विहानै ४ बजेको समयमा जनकपुरधाम उपमहानगरपालिका वडा नम्बर १७ कटरैतस्थितबाट सो एम्बुलेन्स नियन्त्रणमा लिएको हो ।

त्यहाँ स्थानीय मानिसहरुबीच वादविवाद भइरहेको खवर प्राप्त भएपछि उक्त स्थानमा खटि गएको जिल्ला प्रहरी कार्यालयको टोलीले श्री माई भ्याली बचत तथा ऋण सहकारी सँस्थाद्धारा सँचालित मे १ च ३५० नम्बरको एम्बुलेन्समा तस्करीको समान बरामद भएको हो ।

सो एम्बुलेन्समा भारतको जयनगरबाट जनकपुर तर्फ अबैध रुपमा भन्सार छली चोरी पैठारी गरी किराना जन्य सामानहरु तथा बिभिन्न किसिमका पटाकाहरु लोड रहेको अवस्थामा नियन्त्रणमा लिएको हो ।

तत्कालै एम्बुलेन्सलाई नियन्त्रणमा लिएर उक्त एम्बुलेन्स तथा सरसमानहरु भन्सार कार्यालय जनकपुरमा पठाएको जिल्ला प्रहरी कार्यालय धनुषाका प्रहरी प्रवक्ता प्रदीप बहादुर क्षेत्रीले जनाए ।

Ad

Ad

Ad

Ad