भारतीय आयल कर्पोरेसन (आइओसी) ले पठाएको इन्धनको नयाँ मूल्यसूची अनुसार पेट्रोलको मूल्य प्रतिलिटर ४ रुपैयाँ ७९ पैसा घटेको छ । आइओसीले १५-१५ दिनमा पेट्रोलियम पदार्थको मूल्य सूची पठाउने गर्छ । आइओसीले अप्रिल १६ मा पठाएको मूल्यसूचीअनुसार पेट्रोलको मूल्य घटेको छ भने डिजेल र हवाई इन्धनको मूल्य बढेको छ । नेपाल आयल निगमका अनुसार  पेट्रोल प्रतिलिटर ४ रुपैयाँ ७९ पैसा घटेको छ । तर, डिजेलको मूल्य प्रतिलिटर २ रुपैयाँ २ पैसा र हवाई इन्धनमा प्रतिलिटर ०.३८ पैसा बढेको छ ।