जनकपुर । प्रहरीले सिरहामा तेल ट्याङ्करमा तोडफोड गर्ने डा. सीके राउत नेतृत्वको जनमतका १३ कार्यकर्तालार्ई पक्राउ गरेको छ । सिरहाको नरहा गाउँपालिका– ३ नयाँ चोहर्वामा ट्याङ्करमा ढुंगामुढा गर्ने क्रममा उनीहरुलार्य प्रहरीले नियन्त्रणमा लिएको हो। जनमत पार्टीका कार्यकर्ताहरुले किसान आन्दोलनको नाउँमा राजमार्ग अवरुद्ध गर्ने क्रममा मिर्चैयाबाट विराटनगरतर्फ जाँदै गरेको ना४ख १७९८ नम्बरको तेल ट्याङ्करमा तोडफोड गरेका थिए। तोडफोड गरेर भाग्ने क्रममा जनमतका कार्यकर्ता र प्रहरीबीच सामान्य झडप हुँदा जिल्ला प्रहरी कार्यालय सिरहामा कार्यरत एक प्रहरी हवल्दार सामान्य घाइते भएको सिरहा प्रहरीले जनाएको छ।