जनकपुरधाम। एकाबिहानै देखि हुलमय धनुषाधाम-सतोषरधामसम्मको बाटो लाखौं-लाख अद्भुत दृश्य गुन्जणमय प्रत्येकको मुखबाट सीताराम सिताराम,जय किसोरी,जय मिथिला, जय जानकीको आवाज सुन्निने। भरिभराउ भए, सतोषरधाम आसपासका मठमन्दिर तलाउ। भरिभराउ र सजि-सजाउले सतोषर। जयजयकार,`जय शम्भु´जय सप्त- ऋषि, `जय सप्तेश्वर महादेव´ गुन्जंण्मय रहेको मिथिला नगरीया। पिठ्यूँमा फेरफार लुगा र सामल खाजाको पोका, मन र वचनबाट श्रीराम नाम सङ्कीर्तन । माध्यमिकी परिक्रमाको एघारौं दिन यात्री सतोश्वर पुग्दै गर्दा सतोश्वरवासी स्वागतमा तमतयार खडा छन् । यात्राको एघारौं दिनको विश्रामस्थल सतोश्वरस्थित परिक्रमा सप्त-पोखरीका चारै डिल यात्रीले खचाखच छ । श्रीराम र श्री जानकीजीको डोला दर्शन गर्न पुग्ने श्रद्धालुको भीड उत्तिकै छ । सतोश्वर नगरभरि स्वागतद्वार र ध्वजापताका सजाइएका छन् । आज सतोश्वर उजेलिएको छ, आज सतोश्वर चहकिएको छ । जताततै भीड छ, तर कोलाहल छैन, भक्तिभजनका स्वर गुञ्जिदाछन् । ‘आजु सतोश्वर सुमङ्गल हे। यात्रीहरूको यह दिनको गन्तव्य यहि रहेकोे हो। राममन्दिर र सप्त- पोखर रहेको यो ठाउँमा असार साउन महिनामा बोलबम तथा झूला पर्व पनि मनाइन्छ। पूर्वसुरमा सदाशिव श्री कल्याणेश्वर, पश्चिममा श्री जलेश्वरनाथ, उत्तरमा श्री क्षिरेश्वरनाथ र दक्षिणमा सतोखरनाथले यात्रा अवधिभरि डोला र यात्रीको रखबारी गर्ने आज`सतोषरधाममा´ विश्वास गर्ने भएको छ। आरोग्यता, कल्याण र मोक्ष कामनाका साथ गरिने मिथिला माध्यमिकी परिक्रमा १५ दिनमात्र भए पनि सांसारिक मायाजालबाट पन्छेर अलौकिक यात्राको अवसरका रुपमा यात्री लिन्छन् । 'घरपरिवारको बुहार्तन त जिन्दगीभरि झेल्नु छँदैछ नि,' आज सतोषरमा भेटिनुभएका यात्री बासिन्दा घनश्याम मिश्रले भन्नुभयो, 'घरमा छोराबुहारी नातिनातिना भरि छन् , हामी बूढाबूढी यसपाली यात्रामा निस्कियौँ ।' डोलाको आगमनसँगै विश्रामस्थलमा भक्तालुले दर्शन गर्ने र भजन, कीर्तनसहित धार्मिक मेला आयोजन हुँदै आएको परम्परा छ । यात्रीको भोजन, आवास, खानेपानी र प्राथमिक उपचार तथा आइपर्ने अन्य कुनै कामका लागि स्वयंसेवकसहितको आवश्यक प्रबन्धमा अन्य विश्रामस्थलका झैँ सबैला- सतोषर नगरबासी अहिले दिलोज्यानले खटेका छन् । यो यात्रा दैहिक नभएर पारलौकिक हुने विश्वास गरिन्छ । नांगा खुट्टाले गरिने यो यात्राले सांसारिक दुःखकष्टबाट मुक्ति दिने हिन्दू मैथिल जनविश्वास रहेको अधिवक्ता गुणबहादुर राउत बताउनुहुन्छ । यात्राको बृहत्तर जनकपुर क्षेत्र विकास परिषद्, मार्गमा पर्ने स्थानीय तह र धार्मिक मठले संयोजन, समन्वय गर्दै आएका छन् । मिथिलामा यात्रामार्गभित्रका जनजन यो महाकुम्भमा परिचालित देखिन्छन् । यात्रामा हुनेको त आफ्नो तालिका छँदैछ, यात्रामार्गका बस्तीबस्तीमा परिक्रमाको पर्खाइ हुन्छ । आज आफ्नो बस्ती हुँदै परिक्रमा आउँछ भन्ने भएपछि सबै डोला दर्शन र यात्रीको खातिरदारीमा सामथ्र्य लुकाउँदैनन् । कोही सर्वत खुवाउने, कोही खाजा खुवाउने र कोही बस्त्र फेराउने कार्यमा तल्लीन देखिन्छन् । आफैँ यात्रामा निस्कन नसक्नेले डोलाको दर्शन र यात्रीको सेवा गरेर पुण्य आर्जन हुने यहाँ जनविश्वास छ । 'अहो भावले अतिथि सत्कारको त हाम्रो स्थापित परम्परा नै हो, अतिथि देवरुप हुने मैथिल विश्वास छ', यात्रीको सेवा, सत्कारमा जुटेका स्थानीय भन्नुहुन्छ, 'त्यसमा पनि अहिलेका अतिथि ९यात्री० त विशिष्ट हुन् ।' जुनसुकै विश्रामस्थलमा यात्रीको आवास, भोजन, स्वास्थ्योपचार, सुरक्षा र अन्य आवश्यकताबारे स्थानीय ९विश्रामस्थल वरिपरिका बासिन्दा० ले स्वस्पूmर्तरुपमै पनि चासो र भागिदारी लिने गरेका छन् ।