मधेश२४,सप्तरी। मधेस आन्दोलनको क्रममा राज्यबाट मारिएका सहिदहरूको सम्झनामा मधेस सरकारद्वारा बुधबार राजविराजमा आयोजित चौथौ 'बलिदानी दिवस' मनाएको छ। कार्यक्रममा बोल्दै मुख्यमन्त्री मो. लालबाबु राउतले प्रदेशको नामाकरण मधेस प्रदेश आन्दोलनका शहिदहरु प्रतिको सच्चा श्रद्धाञ्जली रहेको बताउनु भएको छ । मधेश आन्दोलनको प्रथम सहिद रमेश महतोले सहादत प्राप्त गरेको दिन अर्थात बलिदानी दिवसको अवसरमा मदेश सरकार मातहतको मधेसी सहिद प्रतिष्ठानले राजबिराजमा आयोजना गरेको सम्मान कार्यक्रममा मुख्यमन्त्री राउतले शहिदहरुले देखेको मधेस प्रदेशको सपना एक हद सम्म पूरा भएको बताउनु भयो । मधेस प्रदेश बनाउन सहयोग गरेका प्रदेश सभा सद्स्यहरु प्रती धन्यवाद ग्यापन गर्दै मुख्यमन्त्री राउतले सहिदहरुको सपना पूरा गराउन आगामि दिन समेत एकबद्ध रहने बिश्वास व्यक्त गर्नु भयो । राउतले मधेश आन्दोलनका सहिद परिवार तथा घाइतेहरुको सम्मानमा मधेश सरकार कुनै कमि न राख्ने प्रतिबद्धता जनाउनु भयो । सहिद परिवारमध्ये अधिकांशलाई मधेश सरकारले जागीर उपलब्ध गराई सकेको उल्लेख गर्नु हुँदै मुख्यमन्त्री राउतले अबको दिनमा मधेश सरकार सहिद परिवार तथा अशक्त घाइते हरुको लागि मासिक २१ हजार भरन पोषण भत्ता उपलब्ध गराउने तयारी समेत गरेको जानकारी गराउनु भयो । मधेस सरकार मधेस आन्दोलनको भावना अनुरुप अघि बढ्दै आएको उल्लेख गर्नु हुँदै मुख्यमन्त्री राउतले प्रदेश सरकारले ल्याएको समाबेशी समानुपातिक ब्यबस्था त्यसकै उपज रहेको बताउनु भयो ।

यो पनि,

मधेस सरकारद्वारा मधेश आन्दोलनका सहिद र घाइते परिवारलाई नगदसहित सम्मान https://emadhesh24.com/2022/01/19/3120/