जनकपुर । सप्तरीको रुपनी गाँउपालिका ६ तेरहौताको इँटा उद्योगमा काँचो इँटाको पर्खाल भत्किँदा एक जना कामदारको मृत्यु भएको छ । रुपनी ६ तेरहौतास्थित विशाल इँटा उद्योगमा पकाउनका लागि इँटा चाङ लगाउने क्रममा काँचो इटाको पर्खाल भत्किँदा रुपनी गाँउपालिका ६ की ५० वर्षीया जतरीदेवी सरदारको मृत्यु भएको सप्तरी प्रहरीले जनाएको छ । ad पर्खाल भत्किँदा घाइते भएकी जतरीदेवी, कृष्णासवरण गाउँपालिका ४ का मंगल सदा र भारत रायबरेली मधुवनका रमेशकुमार लौउदी गम्भीर घाइते भई उपचारका लागि छिन्नमस्ता अस्पताल राजविराज ल्याइएकोमा जतरीदेवीको उपचारका क्रममा मृत्यु भएको हो । अन्य घाइतेको उपचार भइरहेको प्रहरीले जनाएको छ ।