जनकपुर ad ad नेकपा माओवादी केन्द्रका अध्यक्ष पुष्पकमल दाहाल प्रचण्डले प्रदेश २ मा आफ्नो दल पहिलो हुने दाबी गरेका छन् । साथै उनले एमाले र लोकतान्त्रिक समाजवादी पार्टी मधेसको पक्षमा नभएको पनि जिकिर गरे । बुधबार महोत्तरीको रामगोपालपुरमा आयोजित कार्यक्रमलाई सम्बोधन गर्दै प्रचण्डले आफूले मधेसको हक अधिकार सुनिश्चित हुने गरी संविधान संशोधन गर्न खोज्दा एमाले र अध्यक्ष केपी शर्मा ओलीले नदिएको बताए । उनले अघि भने, ‘केपी ओली र एमाले मधेस विरोधी पार्टी हो ।’ तिनै ओली नेतृत्वको सरकारमा महन्थ ठाकुर र राजेन्द्र महतोहरु सामेल भएको भन्दै प्रचण्डले भने, ‘अब मधेसका जनताको मित्र को हो भन्ने तपाईंहरुले चिन्नु भयो होला ।’ माओवादी नै मधेसको मित्र भएको भन्दै उनले अब प्रदेश २ मा पहिलो पार्टी हुने दाबी गरे ।